أفكارنا هى اللى بتحدد مقدار ثرواتنا !
يعنى إيه الكلام دا ؟!
يعنى تفكيرك تجاه المال ، هو اللى بيحدد مقدار ما تحصل عليه
ودا اللى تم ذكره في معظم كتب الثراء ؛ وهو إن الثراء بيبدأ أولا من ثراء الفكر
توضيح أكثر :
يعنى لو كانت أفكارك تجاه المال إنه شيء سلبي وإنه سبب لمشاكل كتير بيقع فيها الإنسان زى مثلا فساد الأولاد ، أو البعد عن الأهل أو حتى البعد عن العبادة
كل دى أسباب هتخليك بشكل لا واعي تبعد عن كل وسيلة تدخلك دخل أكبر لأنها طريق للمال اللى انت شايفه بشكل سلبي ، هنا أنت بتقفل بطريقة تفكيرك دي كل باب ممكن يجيلك منه خير قبل ما يتفتح ، وانا بقول خير لأن المال خير بنص القرآن
ربنا سبحانه وتعالى قال في كتابه الكريم " كُتِبَ عَلَيْكُمْ إِذَا حَضَرَ أَحَدَكُمُ الْمَوْتُ إِنْ تَرَكَ " خَيْرًا " الْوَصِيَّةُ لِلْوَالِدَيْنِ وَالْأَقْرَبِينَ بِالْمَعْرُوفِ حَقًّا عَلَى الْمُتَّقِينَ "
ربنا سبحانه وتعالى قال على المال خيراً
ودى النقطة المهمه اللى لازم تفكر فيها بشكل صحيح
المال في حد ذاته ممكن تستخدمه في كل خير وممكن بردو تستخدمه في شر لا قدر الله
يعنى إنت المتحكم في الأمر وانت اللى بتحرك المال مش العكس دى أول نقطة
ثاني نقطه : تعالى نحسب الموضوع من زاويه تانيه
ربنا سبحانه وتعالى بيحب يشوف أثر النعمه على عباده ، والمال نعمه ... ومن خلاله بتقدر توفر حياة كريمة لنفسك ولكل اللى حواليك وتعفهم عن السؤال والحاجه
وربنا سبحانه وتعالى اللى خلق لك الأرض وسخرها علشانك أمرك بالسعي فيها
اسعي ، واشتغل ، وفكر ، وربنا كريم
#نعمة_المال_والكسب_الحلال #المال_خير_وقوة
للموضوع بقية ..
انتظروني والجزء الثاني من #كيف_لفكرة_أن_تصنع_ثروة ؟
للموضوع بقية ..
انتظروني والجزء الثاني من #كيف_لفكرة_أن_تصنع_ثروة ؟